saytımıza xoş gəlmisiniz! xəbər əlavə etmək üçün qeydiyyatdan keçin....

Pirsinqlər xərçəng xəstəliyi yaradır.

ÇapE-poçt

Pirsinqlər xərçəng xəstəliyi yaradır.

Pirsinqlər xərçəng xəstəliyi də yaradır.

Pirsinq bədənin müxtəlif nahiyələrinə salınan kiçik, bəzəkli dəmir parçalarıdır. Bu gün insanların dəblə ayaqlaşması, daha gözəl görünməsi üçün istifadə etdikləri pirsinqlər bəzən cəmiyyət tərəfindən qəbul olunmur və birmənalı şəkildə rədd edilir. Buna baxmayaraq, gənclər bu bəzəkdən istifadə etməkdən imtina etmir. Əksinə, gün keçdikcə pirsinqə meyl edənlərin sayı da artmaqdadır.
Yəqin ki, qulağında, yanağında, dilində, qarnında dəmir parçalarını gəzdirən insanları siz də görmüsünüz. Dəhşətlisi budur ki, bütün bu parçalar insanın dərisini və ətini deşərək sırğa kimi bədənə keçirilir. Əzabına baxmayaraq pirsinq əksər gənclərin vazkeçilməz, ən dəyərli aksessuarıdır. Lakin "gözəllik"lə yanaşı pirsinq əslində böyük təhlükə mənbəyidir.
İnsanlarda pirsinq hər zaman mövcud olub. Qədim toplum və qəbilələrdə pirsinq müəyyən bir məqsəd üçün istifadə olunub. Əksər insanlar dini inanclarına görə, bir qismi isə hansı qəbilədən olduğunu bildirmək üçün müxtəlif pirsinqlərdən istifadə edib. Pirsinq vurmaq bir neçə min il öncə qədim Misirdə yaranıb. Belə ki, firona məxsus olan qadınlar pirsinq vuraraq, digər qadınlardan fərqlənirdi. Kişilərin qulaq deşdirib sırğa taxmağı isə bir qədər müasir dövrlərə təsadüf edir.

İllər ötdükcə pirsinq öz mahiyyətini dəyişsə də, insanlar ondan bəzək üsulu kimi istifadə etməkdən çəkinməyib. Günümüzdə də pirsinqə olan meyllilik göz qabağındadır. Təhlükəli xəstəliklərin yayılması isə real təhlükədir.
Qulaq deşilməsi qədər təbii qəbul edilən pirsinq zamanı səhvə yol verdikdə çox ağır fəsadlar yarada bilir.
Pirsinq virusun yayılması üçün çox rahat bir yoldur. Nədənsə tatuajdan çəkinən insanlar pirsinqdən o qədər də çəkinmir. Səbəbi isə insanların bu sahədə bilgisiz olmasıdır: "Pirsinq prosedurasını bu sahəni bilən həkimə, mütəxəssisə etibar etmək daha yaxşı olar. Ən yaxşısı isə bədənin heç bir yerinə xəsarət yetirməməkdir. Pirsinq zamanı gigiyenik qaydalara əməl etmək vacibdir. Çünki bu gün müxtəlif xəstəliklər, o cümlədən Hepatit virusu tüğyan edir. Hepatit virusu əsasən qanla yoluxan bir xəstəlikdir. Buna görə pirsinqlərin virus keçirmə təhlükəsi inanılmaz qədər çoxdur".
Alimlər son illərdə gənclər arasında dəb halına gələn pirsinqlərin dilə yerləşdirilməsi halında, ön dişlərin arasında məsafələr (diastemalar) yarandığını müəyyənləşdiriblər. Sözügedən sırğaların dişlərə sürtməsindən müxtəlif çətinliklərin və ayrıca olaraq infeksiyanın yarandığını söyləyən alimlərə görə, pirsinq istənilən halda dilə edilirsə nəticəsi ölümə qədər gedib çıxa bilər. "Clinical Orthodontics" tibb jurnalında nəşr olunan araşdırmada, mütəxəssislər bu bəzəklərdən imtina edilməsini təklif edirlər.

Araşdırmaçılar, dilində pirsinq olan insanlarda, dilin sırğanı dişlərə doğru itələdiyini və bu səbəblə dişlər arasında məsafə yarandığını açıqlayıblar. Bunların yalnız dişlərə zərər vermədiyini söyləyən elm adamları, həddindən artıq qan itkisi, infeksiya, diş ətlərində zədə ilə, ən ağır hallarda isə beyində xərçəng kimi ciddi sağlamlıq problemlərinə gətirib çıxardığına diqqət çəkiblər.Pirsinqin insan orqanizminə ziyanı olmadığını deyənlər tamamilə yanılırlar. Bədənin istənilən nahiyəsində damarlar, sinir ucları mövcuddur və onlardan birinin zədələnməsi insan üçün böyük problem yaradar: "Cəmiyyətin psixologiyasına görə, çox şey qadağandır. Qadağalar isə çox yaxşı şeydir, əgər onlara riayət edən olsa. Pirsinqdən əvvəl alətlər sterilizasiya olunmalıdır. Normalda pirsinqdən sonra qızartılar, şişkinliklər olursa, yaraya infeksiya düşdükdə vəziyyət daha da ağırlaşır. Qaş, qulaq kimi həssas nahiyələrdə sinirlər bölünə bilər və bunun nəticəsində həmin nahiyədə hərəkətsizlik, keyləşmə yarana bilər. Üz nahiyəsində, xüsusən dilə edilən pirsinqlər daha təhlükəlidir və iltihablanmağa daha meyllidir".
Klinika şəraitində lazer pirsinqinin üstünlükləri adi salon pirsinqlərindən qat-qat üstündür. Lazerlə edilən pirsinqlər qeyri-travmatikdir. Adi yolla edilən pirsinqlərin sağalma müddəti 3-4 ay çəkirsə, lazerlə edilən pirsinqlər 2 həftəyə qədər sağalır.

Lazerli pirsinqlər damarların və sinir uclarının topoqrafiyasının həkim tərəfindən bilməsi qanaxma, ağrılar və ya hissiyatın itirilməsi kimi pirsinqin belə xoşagəlməz nəticələrin qarşısını almağa imkan verir.Çənədən yuxarı olan nahiyələrə, xüsusən ağız içi və göz ətrafı yerlərə çox müdaxilə etməmək, xüsusən, pirsinq etdirmək üçün deşmək yolverilməzdir: "Dilə edilən pirsinqlərin iltihablanma ehtimalı daha çoxdur. Mühit yaşdır, daim qida qalıqları olur və təmizlədikdə quru nahiyələr qədər effektli olmur. Göz ətrafı, qaş üstünə edilən pirsinqlər sinirləri zədələdiyi halda görmə problemlərinə qədər gətirib çıxara bilər. Deşildikdən sonra bəzək adı ilə salınan metalların özü dəriyə olduqca ziyandır və illər sonra fəsadları müxtəlif dəri xəstəlikləri kimi ortaya çıxır.

Əslində bədənin hər hissəsinin özünə görə təhlükəsi var. Amma istənilən halda pirsinq sağalmaz virusların yayılmasına risk, əzələlərin zəifləməsinə bir səbəbdir".Pirsinqlərin düzgün seçilməsi də vacibdir. Müxtəlif metallara allergiyası olan insanlar pirsinq seçərkən diqqətli olmalı, gözəlliyi və qiymətinin ucuzluğuna aldanmamalıdır. Əks halda keyfiyyətsiz dəmir parçaları insanları sağlamlığından edə bilər.

 

Şərh əlavə et


Qoruyucu kod
Yenilə

Onlayn TV

Page Rank Check