SƏNİ GÖZLƏYİRƏM
Tənha bir adadır kimsəsiz könlüm,
Bir ağ yelkənim yox, yelkənim ol sən.
Səni gözləyirəm illərdən bəri,
DƏNİZdə, dəryada sükanım ol sən.
Yağsın məhəbbətin cadar könlümə,
Qoyma dil-dodağım yanıb tökülsün.
Məhəbbət yağışı yağdır gülümə,
Qoyma könlüm evi uçub sökülsün.
Qaranlıq zindanda saraylar yarat,
Məhəbbət çırağı as sütunundan.
Yaman vəfasızdır bu zalım həyat,
Könlümün sarayı olmasın viran.
< Əvvəlki | Növbəti > |
---|
21.10.22 11:30 ərzində olan dəyişikliklər Yazan Azer 19.10.22 09:45